• 023 3470 923
  • Worcester
  • 028 5143 929
  • Swellendam
  • 023 3161 304
  • Ceres
  • 028 050 2266

  • Robertson

    Worcester Radiologie kies ‘Biggest Loser’

    March 14, 2019

    Die een wat die beste presteer in ’n kombinasie van gewigsverlieskriteria, sal ’n prys van R5 000 losslaan. Dít was die gesondheidsuitdaging wat ’n dokter van Worcester Radiologie vir sy eie personeel gestel het. Sy inspirasie het gekom van nuwe sagteware, wat hulle vir ’n proefperiode gebruik het, wat iemand se presiese hoeveelheid middellyf-vet radiologies kan meet.

    Die gewone skaal is nooit gebruik nie en gewone “gewig” was nie die maatstaf nie.

    Vetverlies spesifiek om die middellyf (VAT of Visceral Adipose Tissue), wat met Worcester Radiologie se DEXA-masjien gemeet is, was een van die belangrike voorwaardes. Dié tipe vet word verbind aan ’n verhoogde risiko vir onder meer kardiovaskulêre siektes en tipe 2 diabetes.

    Dr. Francois van Zyl, ’n plaaslike internis, het in ’n praatjie oor diabesiteit verlede jaar verduidelik dat vet wat om die middellyf rondom organe gestoor word, as ’t ware as ’n ekstra endokrine orgaan optree. Dit veroorsaak die afskeiding van hormone en ander stowwe wat ’n langtermyn-uitwerking op die normale funksionering van lewensorgane het.

    Vetverlies

    Dr. Johan Blomerus het dus besluit om die sagteware in die DEXA-masjien in te span om onder meer te meet hoeveel van hierdie gevaarlike soort vet sy span kan afskud.

    Totale vetverlies (middellyf plus die res van die lyf) is ook gemeet. So ook wie die minste spierweefsel verloor, aangesien pasiënte wat dieet die gevaar loop om spierweefsel te verloor. Spierverlies kan weer ’n negatiewe uitwerking op gesondheidsaspekte soos metabolisme en beendigtheid hê.

    Dit was dus ’n mikpunt om so min moontlik spierweefsel te verloor, of selfs om spiere te probeer versterk; nié om so vinnig en so veel moontlik “gewig” te probeer verloor nie.

    Die wenner

    Uit die elf deelnemers (dr. Blomerus ingesluit), het Arthea Abrahams die beste algehele prestasie oor al die kriteria behaal.

    Haar pad na beter gesondheid het egter al ses maande vóór die kompetisie begin toe sy bloot besluit het om gesonder kos in haar inkopiemandjie te begin sit. Geen snaakse dieet of strawwe oefenprogram nie, maar ’n besluit wat haar stadig maar seker 17 kg laat afskud het.

    Sy het wel later, weens ander gesondheidsredes, die raad van ’n dieetkundige begin volg, wat vir seker gehelp het om die ses maande lange kompetisie vir haar te beklink.

    “Moet my nie nou al geluk wens nie,” sê sy egter. “Ek moet dit nou so hou. Praat maar eers oor ’n jaar weer met my.”

    Hillary Baadjies het die kategorie vir middellyf-vetverlies gewen en Claudine Willemse die kategorie vir totale vetverlies.

    * Vir meer inligting oor ’n DEXA-skandering, bel Worcester Radiologie by 023 347 0923. Omdat mediese fondse dit nie dek nie, is ’n spesiale tarief daarvoor vasgestel. Gesels met jou dokter vir kundige advies oor ’n gesonde leefstyl en leefstylveranderinge.

    Share this article

    Nuus Argiewe

    ’n Eie resepteboek om 2020 af te sluitWorcester Radiology opens fourth practice, in RobertsonOf course we worked on Mandela Day!Worcester Radiologie deel van Covid-19-noodverligtingRoetine prosedures terug na normaal – maar met ekstra maatreëlsCOVID-19: Important notice to patients visiting the practiceWRAD-span en Kersvader kuier weer in AvianparkProud to support Woman of Hope’s first public eventBecause it’s all about the teamAs borskanker in jou gene is…Eerste mammogram? Dít is wat om te verwagKoronêre RT-angiografie by Worcester RadiologieBeurse by Worcester Radiologie: Só werk ditWaarom moet ek ’n sonar ná my mammogram kry?WRAD-span stik 160 matrasslope vir MandeladagSewe dinge wat alle vroue van osteoporose moet weetAny questions? Learn more about your next scanTwee dekades in SwellendamTeam WRAD shows support for local hockeyWorcester Radiologie kies ‘Biggest Loser’Ontmoet Worcester Radiologie se span in CeresKersprojek 2018: WRAD-span besoek AvianparkWêreldradiologiedag: Wat jy moet weet oor radiologieRolling up our sleeves for Mandela Day 2018‘Ek was geseënd om dit vroeg op te spoor’Waarom moet ek weet wat osteoporose is?Osteoporose: Leer meer en laat jou toets‘Dit is nie ons werk om lewens te red nie maar om dokters te help sien’Dr. Fred Cronje groet ná 25 jaarTime for a screening of a different kind, ladiesJou lyf en gesondheid: Wat tegnologie jou nou kan laat sien100 Kersgeskenke vir AwendrusGetting eyeballs on the CANSA cause