Worcester Radiologie dra tot dié sopkombuis se lopende kostes by deur die NG gemeente Worcester-Vallei, en is een van verskeie plaaslike instansies en individue wat die sopkombuis maandeliks ondersteun.

’n Paar personeellede van die praktyk het die partytjie saam met jongmense van die gemeente by die Avianpark-bibilioteek gaan aanbied. Dr. Johan Blomerus was Kersvader, die kinders het die Kersverhaal gekyk, lekker geëet, ‘n nuwe kosblik en ‘n klein geskenkpakkie elk ontvang.

Die vrou wat die sopkombuis aan die gang hou, Lena Johnson, maak weekliks vir sowat 100 kinders van Avianpark kos. Hoewel sy ‘n groot terugslag ervaar het vroeër die jaar (toe dwaalkoeëls haar in die arm en kaak getref het), is sy steeds voluit met haar sopkombuis aan die gang omdat sy geroepe voel om dit te doen.

Worcester Radiologie is trots om te kon bydra tot Lena se behandeling en ook om die Lena Johnson Care House as een van sy verskeie gemeenskapsprojekte te ondersteun.